प्रेस सेन्टर नेपाल पर्साको बैठक सम्पन्न भएको छ। बैठकमा जनतासँग माओवादी, तराई मधेस जागरण अभियान कार्यक्रमको तयारीबारे छलफल गरिएको छ।

उक्त अभियान यही फागुन २५ र २६ गते पर्सामा आयोजना हुने तय भएको छ। अभियान टोली फागुन २५ गते आइतबार दिउँसो ३:३० बजे पर्सा आउने भएकाले भव्य स्वागत गर्ने निर्णय बैठकले गरेको छ। फागुन २६ गते सोमबार बिहान ६:०० बजे घन्टाघरबाट मर्निङ वाक कार्यक्रम आयोजना गरिनेछ। त्यसपछि वीरगंजका उद्योगी तथा व्यापारीहरूसँग अन्तरक्रिया कार्यक्रम हुनेछ। त्यसैगरी, पत्रकार भेटघाट कार्यक्रमपछि अलौ हुँदै ठोरीमा दिउँसो ३:०० बजे जनसभालाई सम्बोधन गर्ने कार्यक्रम तय भएको छ।

बैठकमा अभियानलाई सभ्य र भव्य बनाउनका साथै कार्यक्रमको समाचार सम्प्रेषण गरी सफल बनाउने विषयमा छलफल गरिएको थियो।

उक्त बैठक सामुदायिक नारायणी एफएम परिसरमा प्रेस सेन्टर नेपाल पर्साका अध्यक्ष शिवनाथ यादवको अध्यक्षतामा सम्पन्न भएको थियो। बैठकमा केन्द्र, प्रदेश र जिल्ला तहका सम्पूर्ण पदाधिकारी, सदस्य तथा नयाँ साथीहरूको उपस्थिति रहेको जिल्ला सचिव अजित भुजेलले जानकारी दिनुभयो।