पर्सा । इलाका प्रहरी कार्यालय पोखरीयाले ठुलो परिमाणमा अवैध लागुऔषध चरेश बरामद गरेको छ ।

पर्सा जिल्लाको कालिकामाई गाउँपालिका –१ तिन्दुविया बस्ने बृजेश प्रसाद कुर्मीको घरमा लागू औंषध चरेश लुकाइछिपाई राखेको विशेष सूचनाको आधारमा इलाका प्रहरी कार्यालय पोखरीयाबाट प्रहरी निरीक्षक मोहन बिक्रम केसीको कमान्डमा खटिएको प्रहरी टोलीले बिहान ०२:३० बजे निज बृजेश प्रसाद कुर्मीको रोहबरमा निजकाे घर खानतलासी गर्दा निजको घरको बरन्डामा सिमेन्टको बोरा भित्र राखिएको ३१ वटा चारपाटे आकारको पोकामा जम्मा १७ कीलो लागू औंषध चरेश फेला पारी उक्त लागू औंषध सहित निज बृजेश प्रसाद कुर्मीलाई पक्राउ गरी इलाका प्रहरी कार्यालय पोखरिया मा राखी थप अनुसन्धान भइरहेको छ।