सखुवाप्रसौनी ५ माघ ।
पिसफोर दलितस फाउन्डेसन नेपाल , प्रदेश -२ को आयोजनामा पर्सा जिल्लाको सखुवाप्रसौनी गाउँपालिका वडा -२, सखुवाप्रसौनी गाउँमा दलित समुदायको भेला गरि दलित अधिकारको लागि दलित दबाब समुह गठन गरिएको छ।
दलित समुदायको माथि भैइरहेको हिंसा , हत्या , विभेदको विरुद्ध आवाज उठाउन यो दलित दबाब समुह गठन गरिएको छ। दलित माथिको जातीय विभेद , छुवाछूत , सामाजिक विभेद , अन्याय , अत्याचार , दमन शोषण असमानता कायम नै रहेकोे छ। गैर दलितले अहिलेसम्म दलितलाई मानव मानेका छैन।
गाउँपालिका / वडाले अहिलेसम्म दलित समुदायको लागि खासै केही गरेको छैन। गाउँपालिकाको बजेट, निति तथा कार्यक्रममा दलित सवाल , अधिकारलाई समाबेश गरिएको छैन ।
दलित समुदायको समस्या , दलित समुदायको अधिकारको संघर्ष गर्न आवश्यक देखिएको छ। गाउँपालिका बाट दलित समुदायले अहिलेसम्म सेवा सुबिधा नपाएको दलित समुदायको गुनासो रहेकोे छ।
नेपाल सरकारले दिएको सेवा सुबिधा , हाम्रो अधिकार गाउँपालिकाले दबाएर , लुकाएर राखेको दलित अगुवाले भन्नू हुन्छ।
पर्सा जिल्लाको सखुवाप्रसौनीको सबै वडाको दलित जनता संग गैस सिलिन्डर वितरणको लागि ७०० , ८०० रुपैया लिएर अहिलेसम्म गैस सिलिन्डर वितरण गरिएको छैन। दलित समुदायमा आक्रोश रहेकोे छ। सम्बन्धि निकायले धन्यवाद दिनु पर्छ।।
गाउँपालिका , वडा र प्रदेश सरकार , नेपाल सरकारलाई दलितको अधिकार लागि दबाब दिनकोलागि वडा स्तरीय दबाब समुह गठन गरिएको छ। सखुवाप्रसौनी गाउँपालिकाको ६ वटा वडामा वडा स्तरीय दलित दबाब समुह गठन गर्ने योजना रहेकोे छ।
गठन गरिएको दलित दबाब समुहको संयोजक प्रमेन्द्र पासवान संयोजकत्वमा १३ सदस्यीय समिति गठन गरिएको छ। समुहको स-संयोजक अशोक दुसाद सदस्यमा धर्मेन्द्र मुसहर , तपेन्द्र महरा , मुन्ना मुसहर , शान्ति देवी पासवान , चनराउति देवी , धर्मेन्द्र माझी , पानमती देवी , मदोदरी देवी , पार्वती देवी , भिखारी देवी , बनिया देवी , कोसिला देवी लगायतको रहनु भएको छ।
दलितको सामाजिक न्याय तथा सामाजिक स्वतन्त्रताको लागि १०१ दलित युवा नेतृत्व अभियानको संयोजक सुरेन्द्र पासवान , पिसफोर दलितस फाउन्डेसन नेपालको सदस्य संजोग राम, पिसफोर दलितस फाउन्डेसन नेपालको युवा प्रदीप राम , दलित अगुवा हिरालाल राम, छनु पासवान लगायतको सहभागिता रहेकोे छ।
यस संस्थाको पिसफोर दलितस फाउन्डेसन नेपालको अध्यक्ष दलित सामाजिक अभियान्ता मनोज राम ज्युले जानकारी दिनु भएको छ।