वीरगन्ज, १८ फागुन । पर्सा जिल्ला क्षेत्र नं. १ मा आउँदो प्रतिनिधिसभा निर्वाचनलाई लक्षित गर्दै जनता समाजवादी पार्टी, नेपाल जसपा नेपालले चुनावी अभियानलाई तीव्र बनाएको छ। पार्टीका केन्द्रीय सदस्य फिरोज मन्सुरले मतदातासँग छाता छापमा मतदान गर्न अपिल गरेका छन्।

उनले सुशासन, सामाजिक न्याय, विकास, इमानदारी, जिम्मेवारी र पारदर्शितालाई पार्टीको मूल एजेन्डा बनाइएको उल्लेख गर्दै स्पष्ट योजना र प्रतिबद्धतासहित अघि बढेको बताए। समृद्ध पर्सा र सुदृढ मधेस निर्माणका लागि मतदाताको साथ अपरिहार्य रहेको उनको धारणा छ।

मन्सुरले आउँदो निर्वाचनमा छाता चुनाव चिन्हमा मतदान गर्न आग्रह गर्दै पर्सा क्षेत्र नं. १ का जसपा नेपालका उम्मेदवार राम नरेश प्रसाद यादव लाई भारी बहुमतले विजयी बनाउन अनुरोध गरेका छन्।