वीरगंज,१३ भदौ  । वीरगंजको छपकैया नाकाबाट प्रहरीकै मिलेमतोमा तस्करी भईरहेको पाईएको छ । भारतको रक्सौंल बजारसंग सीमा जोडिएको वीरगंजको छपकैया नाकाबाट मध्य रातीको समयमा तस्करी भईरहेको पाईएको हो ।

सीमासंग जोडिएको त्यस क्षेत्रबाट ठुलो परिणाममा लत्ता कपडा, विभिन्न किसिमका इलेक्ट्रोनिक्स सामान, विभिन्न औषधीजन्य सामग्रीहरुको तस्करी भईरहेको छ ।

यी वापतको असुली ईलाका प्रहरी कार्यालय छपकैयाका सई मनिष पराजुली नै लागेको स्रोतले बताएको छ ।
ईलाका प्रहरी कार्यालय छपकैयाका सई मनिष पराजुली नै तस्करका मतियार भएपछि त्यस क्षेत्रबाट जितु, बबन, हरिन्द्र पटेल लगाायतका तस्कर समूहहरु दैनिक ५० लाख भन्दा बढी अवैध आयात गर्ने गरेको स्रोतको दाबी छ ।

यी तस्कर समूहहरुले भित्रियाउने माल सामान वीरगंजको आदर्शनगरमा विभिन्न ट्रान्सपोर्टमा पुयाउने गरेका छन् । जुन कार्यमा प्रत्यक्ष रुपले छपकैयाका सई पराजुली लगायत सशस्त्र प्रहरी बलका अधिकारीहरुले पनि सघाउने गरेको बताईन्छ ।