भदौं १, वीरगंज । पर्सामा प्रहरी प्रशासनको संलग्नतामा खुलेआम तस्करी भईरहेको छ । भारतसंग जोडिएको पर्साको अलौं, छपकैया, सिर्सिया लगायतको नाकाबाट निर्वाध रुपमा तस्करी भईरहेको हो ।

यस क्षेत्रमा भारतबाट नेपालमा दैनिक २० वटा मोटरसाइकल प्रयोग गर अलौ नाकाबाट कपडा, हार्डवेयरका सामान, प्रतिवन्धीत औषधीजन्य सामग्री, विभिन्न किसिमका ईलेक्ट्रोनिक पार्टपूर्जा, दैनिक उपभोग्यका विभिन्न किराना सामग्रीहरुको अवैध रुपमा तस्करी हुँदै आएको पाईएको छ । छपकैया, सिर्सिया नाकाबाट भने वीरगंजका नामुद तस्कर मदन गुप्ता भन्ने मदन रुन्चेको ट्रान्सपोर्टको लागि जितु, बबन लगायतका तस्कर समूहले रातभरी लाईन दिएर कपडा तस्करी गराउने गरेका छन् । जुन तस्करीलाई प्रत्यक्ष रुपले प्रहरी प्रशासनले नै सघाउने गरेको बताईन्छ । यी तस्करी वापतको असुलीका लागि त वडा प्रहरी कार्यालयका प्रहरी निरिक्षक श्याम बस्नेतले त घुमुवा नै परिचालन गरि तस्कर सहति आफूलाई मालामाल बनाउने खेलमा लागेको प्रहरी स्रोतले जनाएको छ ।

सिमावर्ती यी नाकाहरुबाट हुने तस्करीको रकम असुली गर्न वडा प्रहरी श्रीपुरका प्र्रहरी निरीक्षक श्याम बस्नेतले प्रहरीद्वय रम्भु साह र भोला यादवलाई घुमुवाको रुपमा परिचालन गरेका छन् । यी घुमुवाहरु इन्पेक्टर बस्नेतको लागि अलौं, छपकैया, सिर्सिया लगायतका नाकाबाट हुने पोकेदेखी ठुल–ठुला तस्करी वापतको असुली गर्दै आएको स्रोतले जनाएको छ ।

आर्थिक प्रलोभनमा परेका नेपाल प्रहरीको घुमुवाले चोरी तस्करी नियन्त्रण गर्नुको साटो तस्कर समुहका मुख्य नाइकेहरूसंग मेलमिलाप गर्न थालेपछि तस्करी बढेको पाइएको हो ।