वीरगंज । बहुलराष्ट्रिय राज्यको स्थापना र स्वदेशवाद एवं सामुदायिक समाजवादको लागि पूर्व उपप्रधानमंत्री राजेन्द्र महतोको नेतृत्वमा स्थापित पार्टीको आज वीरगंजको पर्सामा जिल्ला कार्यालयको उद्घाटन भएको छ ।

वीरगंजको चीनी मिल आवास क्षेत्र अगाडी आजदेखि संचालनमा आएको पार्टी कार्यालयको उद्घाटन केन्द्रीय सदस्य नेजामुद्दीन शमानीले गर्नु भएको हो । उद्घाटनपछि पार्टी कार्यालयमा पर्सा जिल्ला संयोजक राजेश साहको अध्यक्षतामा बसेको बैठक बसेको थियो । बैठकमा पार्टीका केन्द्रीय सदस्य शमानी तथा अनिरुद्ध प्रसाद कलवार, रेखा घिमरे, जयलाल साह, सरीता कुमारी साह, हजरत खां, हाकिम मियाँ, दिव्य प्रकाश चतुर्वेदी लगायतका जिल्ला नेताहरुको उपस्थिति थियो ।

बैठकले जिल्लामा पार्टीको संगठनको गतिविधि बढाउने र यही फागुन १२, १३ गते हुने केन्द्रीय समितिको बैठकबारे छलफल गरिएको थियो ।