पर्सा ३ चैत्र । सशस्त्र प्रहरीबल द्वारा भन्सार छलि तथा चोरी पैठारी गरी ल्याउँदै गरेको कपडा नियन्त्रनमा लिएको छ। पर्सा जिल्लाको बिन्दवासिनी गा.पा.-३ झौवा नाका बाट भन्सार छली का कपडा ल्याएको भन्ने विशेष सुचनाको आधारमा समान नियन्त्रणमा लिएको छ।
सूचना प्राप्त हुनू साथै सशस्त्र प्रहरी बल पर्सा गणबाट गएको गाडी मोबाईल टोलिले भारतबाट अबैध रुपमा चोरी पैठारी गरी BR 22 X 5956 र BR 22 X 2850 नम्बरको भारतीय मोटरसाइकलहरुमा लोड गरी नेपालतर्फ ल्याउँदै गरेको कपडा र मो.सा. अन्दाजी ४ लाख २५ हजार मोटरसाइकल को २ लाख र कपडाको २ लाख २५ हजार को मूल्याङ्कन सहित दुई जना लाई नियन्त्रणमा लिएको हो।
पक्राउ परेका एकजना जिल्ला पर्सा बहुदरमाई न.पा. बस्ने बर्ष २९ को र अर्को बहुदरमाई नगरपालीका बस्ने बर्ष ४१ को तस्करी कार्य मा संलग्न २ जना लाई नियन्त्रणमा लिई आवश्यक कारवाहीको लागि बीरगंज भन्सार कार्यालय पर्सामा बुझाएको सशस्त्र प्रहरी बल १३ नम्बर गणका सशस्त्र प्रहरी नायब उपरीक्षक तथा प्रवक्ता संगम श्रेष्ठले जानकारी गराएका छन।