४ फागुन, बारा । जीतपुर सिमरा नगर उद्योग वाणिज्य संघले पहिलो पटक ‘जीतपुर सिमरा महोत्सव’ आयोजना गर्न लागेको छ ।
जीतपुर सिमरा उपमहानगरपालिका–३ बजनीस्थित प्रदर्शनी स्थलमा आयोजना हुने महोत्सव समग्र मधेशको पर्यटन प्रवर्द्धनमा केन्द्रित हुने व्यापार संघ सदस्य तसौवर हुसैनले बताए ।
‘कृषि पर्यटन, खेल उद्योग र व्यापार जीतपुर सिमरा बारा–मधेश समृद्धिको आधार’ भन्ने नारासहित १८–२९ फागुनसम्म महोत्सव चल्ने छ ।
संघका अनुसार महोत्सवको आवश्यक तयारी भइरहेको छ । जीतपुर सिमरा उपमहानगरपालिकाको मुख्य व्यापारिक केन्द्र जीतपुर र सिमरा मध्यभागमा आयोजना हुन लागेकाले महोत्सवले समग्र उपमहानगरका नागरिकलाई समेट्ने छ ।
प्रतिक्रिया दिनुहोस्
सम्बन्धित खबर
