LIVE 
मुस्लिम समाजद्वारा पर्सा सिडिओमार्फत गृहमन्त्रीलाई ज्ञापनपत्र | चैत महिनाभित्र पर्सामा पाँच करोडभन्दा बढी मूल्यकाे सामान बरामद | कालिकामाई मन्दिर प्राणप्रतिष्टाको लागि निकालिएको कलश यात्रा | धोबिनी गाउँपालिका-३ गुलरियामा भएका आगलागी पीडितहरुलाई गाउँपालिकाले गरे राहत बितरण | इद उल फित्रको बिदा बिहीबार, मुस्लिम आयोगले सरकारलाई गर्‍यो सिफारिस | ईद पर्वको लागि खरिद गरेको सामग्री जलेर नस्ट, बिचल्लीमा परेका छन- मनिफ | धोबिनीमा भएका आगलागी पीडितहरुलाई नेपाल रेडक्रसद्वारा राहत बितरण | धोबिनी गाउँपालिका-३ गुलरियामा आगलागी हुँदा लाखौं बराबरकाे क्षति | धाेबिनीमा गाँउपालिका अध्यक्षकै सामु कुटिए प्रमुख प्रशासकीय अधिकृत,कर्मचारीहरु आन्दोलनमा | |

बिरगंज २० जेठ । पर्सा प्रहरीले पौने ११ लाख रुपैयाँ बराबरको मदिरा लोड गरी नेपालबाट भारत तर्फ गइरहेको अवस्थामा एउटा ट्रयाक्टर जफत गरेको छ ।
ईलाका प्रहरी कार्यालय पोखरियाबाट खटेको प्रहरी टोलीले पर्साको छिपहरमाई गाउँपालिका वडा नम्बर २ भिष्वा बञ्जारीबाट अवैध रूपमा भारत तर्फ लगिरहेको ३ सय कार्टुन कस्तुरी रक्सीसहित ट्रयाक्टर जफत गरेको हो ।
बरामद गरिएको ट्रयाक्टर र रक्सीको मूल्याङ्कन प्रहरीले १० लाख ६० हजार रुपैयाँ गरेको छ ।
विशेष सूचनाको आधारमा जिल्ला प्रहरी कार्यालयबाट खटाइएको प्रहरी टोलीले आज बिहान १ बजेको समयमा बञ्जारीबाट भारततर्फ गइरहेको प्रदेश २-०३-००१ थ ०००१ नम्बरको ट्याक्टरलाई दशगाजा क्षेत्रमा रोकेर चेकजाच गर्दा मदिरा बरामद गरेको थियो । ट्रयाक्टर समातिए पनि चालक भने फरार हुन् सफल भएको पर्सा प्रहरीका प्रवक्ता एवम् प्रहरी नायव उपरीक्षक (डिएसपी) ओमप्रकाश खनालले बताए ।
जफत गरिएको रक्सी र ट्रयाक्टरलाई आवश्यक कारवाहीको लागि वीरगञ्ज भन्सार कार्यालयमा पठाइएको डिएसपी खनालले जानकारी दिए ।खनालले ट्रयाक्टर धनी र चालकको प्रहरीले तदारूकताका साथ खोजतलास गरिरहेको जनाएका छन् ।
जिल्लामा विगत एक महिनादेखि निषेधाज्ञा जारी छ । कोरोनाभाइरस महामारी नियन्त्रण तथा रोकथामका लागि स्थानीय प्रशासनले जिल्लामा बैशाख १६ गतेदेखि निषेधाज्ञा लगाउनुका साथै सिमानाकाहरु पनि पूर्ण रुपले शिल गरेको छ ।
जिल्ला प्रशासन कार्यालयले पछिल्लो पटक जारी गरेको सूचना अनुसार जिल्लामा एक मात्र इनर्वा नाकाबाट मात्र दुवै देशमा आवत जावतका लागि अनुमति दिइएको छ । त्यो पनि कडा सुरक्षा चेकजाच पछि ।
प्रशासनले यती हदसम्म कडाई गरी रहँदापनि सिमानाकाहरुबाट हुने अवैध तस्करी भने रोकिएको छैन । जिल्लामा दिनहु विभिन्न नाकाबाट तस्करी भइरहेको घटनाहरु सार्वजनिक हुनेगरेका छन् । तस्करीका कयौँ घटनामा प्रहरीसमेतको संलग्नता हुनेगरेको आरोप लाग्ने गरेको छ ।

प्रतिक्रिया दिनुहोस्

सम्बन्धित खबर

ताजा समाचार


धेरै पढिएको