राजन कुमार बानिया पर्सा २२ माघ । प्रहरी चौकी भिस्वाले ठूलो मात्रामा अवैध लागूऔषध ‘गाँजा’ सहित एक जानालाई पक्राउ गरेको छ ।
प्रहरी चौकी भिस्वाबाट सई प्रेम मिश्राको कमान्डमा खटिएको प्रहरी टोलीले छिपहरमाई गाउँपालिका वार्ड नः ५ भिस्वा वडा कार्यालय नजिकबाट अन्दाजी १२ केजी अवैध लागूऔषध ‘गाँजा’ बरामद गरेको हो ।भिस्वा चौकबाट दक्षिण इन्डियातर्फ साईकलको क्यारियरमा बोरा राखेर लगिरहेको बेला चेक जाच गर्दा उक्त गाजा बरामद गरिएको छ । पक्राउ पर्नेमा धोबिनि गाउँपालिका वार्ड न. ५ धोबिनि निवासी अर्जुन मियाको छोरा ४० को समसुल मिया रहेको मिश्राले बताए । उक्त गाजा सहित उनलाई इलाका प्रहरी कार्यालय पोखरिया मा बुझाइएको छ । र थप अनुसन्धान भइरहेको इलाका प्रहरी कार्यालय पोखरियाका प्रहरी निरीक्षक दीपक थापाले जनाए ।