बिरगंज १७ माघ । तराई-मधेसमा विगत केहि दिनदेखि बढेको शितलहरको फाईदा उठाउँदै तस्करहरु पुन: सक्रिय भएका छन।
शीतलहर र कुहिरो बढेपछि पर्सा जिल्लाको ग्रामिण क्षेत्रहरुबाट फेरी रातिको समयमा काठलगायत सामग्रीहरुको तस्करी सुरु भएको छ ।
चिसोको समयमा तस्करहरुले राति-राति प्रहरी र वन कार्यालयका कर्मचारीहरुलाई गुमराह गरेर नेपालबाट भारी मात्रामा महङ्गा शालका गोलियाहरु भारत पुर्याउने गरेका छन
तस्करहरुले साईकल, मोटरसाइकलसँगसँगै ट्रयाक्टर र अन्य सवारीसाधनबाट समेत खुल्ला सिमाको फाईदा उठाएर जिल्लाको ग्रामिण नाकाहरुबाट काठलगायत सामग्रीहरु तस्करी गरिरहेको पाइएको छ ।
यस्तै ट्रयाक्टरमा लुकाएर सालको गोलिया तस्करी गरिरहेको अवस्थामा सुरक्षाकर्मीहरुको टोलीले एउटा ट्रयाक्टर नियन्त्रणमा लिएको छ । बिहिबार राति पर्सागढी नगरपालिका वडा नम्बर ४ को टाँडीबाट सालको गोलिया भारत लागिरहेको अवस्थामा शुरक्षाकर्मीहरुले एउटा ट्याक्टर नियन्त्रणमा लिएका हुन
सबैया साझेदारी वन व्यवस्थपन समूह, सब डिभिजन वन कार्यालय मधुवन मथवल र सशस्त्र बेस क्याम्प सोलखपुरको संयुक्त टोलीले ना ११ त २८७४ नम्बरको ट्र्याक्टरलाई नियन्त्रणमा लिएको थियो । ट्रयाक्टरबाट उनीहरुले ३ वटा सालको गोलिया अर्थात ४२ घनफिट काठ लोड बरामद गरेको जनाइएको छ । प्रहरी अनुसार काठलाई ग्राभेलले छोपेर लगिँदै थियो ।
सुरक्षाकर्मीहरुले ट्रयाक्टर नियन्त्रणमा लिएपनि चालक भने फरार भएका थिए । गस्ती टोलीलाई देख्नसाथ ट्रयाक्टर छोडेर चालक फरार भएको सब डिभिजन वन कार्यालय सोलखपुरका फरेष्टर पुरुषोत्तम पटेललले जानकारी थिए ।
चालकको खोजी कार्य भैरहेको पटेलले बताए । उनले ट्रयाक्टर धनिसँग समेत सम्पर्क गर्न आफूहरु प्रयासरत रहेको जानकारी दिए ।
बरामद काठसहितको ट्र्याक्टर आवश्यक कारवाहीको लागि डिभिजन वन कार्यालय पर्सा वीरगञ्जमा पठाइएको उनले बताए ।
तपाईको प्रतिक्रिया !