पर्साका एसपी गंगा पन्तको सरुवा, बेलबहादुर पाण्डे आउँदै

बिरगंज २२ पुस । पर्साका प्रहरी उपरीक्षक (एसपी) गंगा पन्तको सरुवा भएको छ । प्रहरी प्रधान कार्यालयले उनको केन्द्रीय अनुसन्धान व्युरो इन्टिलिजेन्स महाशाखा, महाराज काठमाडौंमा सरुवा गरेको छ ।
अब पर्सामा नयाँ एसपीका रुपमा बेलबहादुर पाण्डे आउने भएका छन् । प्रहरी प्रधान कार्यालयले मंगलबार सूचना प्रकाशित गरी प्रहरी महानिरीक्षकको निर्णयबाट ३० जना एसपीहरुको सरुवा गरिएको जनाएको छ । जसअनुसार झापामा सानुराम भट्टराई, मकवानपुरमा सोमेन्द्र सिंह राठौर, काभ्रेपलाञ्चोकमा भुपेन्द्र बहादुर खत्री, बारामा दिपेन्द्र शाहीलाई र सिन्धुलीमा आभुषण तिम्सिनालाई पठाईएको छ । कञ्चनपुरमा उमा प्रसाद चतुर्वेदीलाई सरुवा गरिएको छ भने धनुषामा प्रकाश रानाभाटलाई सरुवा गरिएको छ ।