धिरज बारनवाल
वीरगंज । पर्साकाे जिल्लाको पकहाँमैनपुर गाउँपालिकाकाे प्रमुख प्रशासकिय अधिकृतमा उदयशंकर चाैधरी हाजिर भएका हुन् ।
गाउँ कार्यपालिकाकाे कार्यालय पकहाँ मैनपुरमा शुक्रबार हाजिर हुन पुगेका अधिकृत चाैधरीलाई गाउँपालिकाका अध्यक्ष सुरेश प्रसाद मेहता,उपाध्यक्ष सरफून नेशा सहित जनप्रतिनिधि तथा कर्मचारीहरुले स्वागत गरेका हुन् ।
एक कार्यक्रमका बिच गाउँपालिका अध्यक्ष सुरेश प्रसाद मेहतासहित उपाध्यक्ष सरफुन नेसा, सबै वडाध्यक्षहरु र गाउँपालिका कर्मचारीहरुले अधिकृत चाैधरीलाई फुल माला र गमछा ओढाएर स्वागत गरेका थिए ।
साे अवसरमा बाेल्दै अधिकृत चाैधरीले आफु जनप्रतिधि र कर्मचारीकाे समन्वयमा अगाडी बढने वताए । उनले भने “तपाईहरुले आज जसरी स्वागत गर्नु भएकाे छ, त्यसरी नै तपाईहरुकाे सहयाेग र समन्वयकाे जरुरी छ ।”
मधेश प्रदेशकाे मुख्यमन्त्री तथा मन्त्रीपरिषद्काे कार्यालयबाट अधिकृत चाैधरीलाई कार्तिक १५ गते संघिय मामिला तथा सामान्य प्रशासन मन्त्रालयले पकहाँ मैनपुर गाउँपालिकामा सरुवा गरेकाे थियाे ।
यस अघि अधिकृत चाैधरी बाराकाे करैयामाई गाउँपालिकाकाे प्रमुख प्रशासकिय अधिकृतमा कार्यरत थिए ।
पकहाँ मैनपुर गाउँपालिकाका प्रमुख प्रशासकिय अधिकृत राज कुशवाहाकाे जिल्ला समन्वय समिति पर्सामा सरुवा भएपछि केही समयदेखि गाउँपालिका प्रमुख प्रशासकिय अधिकृत विहिन रहेकाे थियाे ।
प्रतिक्रिया दिनुहोस्
सम्बन्धित खबर
